又唔記得去ATM繳費? 坐言起行,即刻用PPS app 隨時隨地交錢啦 (`・w・´)

突然醒起未交信用卡費、電話費，但落街時又唔記得去 ATM 或者便利店交？
呢樣煩惱經常發生係粗心大意兼善忘既小編身上 (因為小編都叫呀粗嗎 -_- )
交錢呢樣野一直拖…試過真係搞到遲左交，被罰好心痛 ><
不過後來發現 PPS 呢個 app 之後，乜費物費都可以隨時隨地用個 app 去交
真係無藉口再拖！所有費用都可以知道銀碼後就即刻繳交～
超方便耶 🙂

呢個 app 名叫 “PPS on Mobile”，大家停止下拖延症,，快啲 download 先啦 @@
download 完之後會係咁既樣…

咁就要 Log in 啦…點樣 sign up 個 account 名同密碼呢？
咁就要煩請閣下稍移玉步去你最近既便利店，裡面有部 PPS 機仔 (佢副尊容如下：

花約 3 分鐘既時間，登記左用咩銀行戶口縛住 PPS，set 埋 PPS 網上及電話密碼，
然後部機就會嘔張單據，寫左你 PPS account number (8 位數字) 同網上app 及電話服務既密碼啦。

如果要講 PPS 既缺點，我會話個 account number 好難記,,,隨機既數字，冇得 customize 做平時自己用開既英文 ac 名，所以我每次用個 app 都要睇返張單據相。

個app 既主頁
同其他銀行服務 ebanking / app 一樣，security 理由，會見到佢寫住上次係幾時登入。

第一次用既話，請按「登記帳單」，然後佢就會顯示「搜尋商戶編號」。
通常信用卡啊電話費張單，都會寫佢地 PPS 既商戶編號..所以好易揾姐 XD

揀左商戶後，下一步就要輸入「帳單號碼」，例如信用卡就填返卡 number ，電話費填返你既客戶編號。
同埋改返呢個繳費叫咩名，例如叫做「上網費」、「恒生enjoy card 」等，方便自己。

搞掂完之後，去返主頁按「繳付帳單」既話，你就會睇到自己登記左啲咩繳費。
我就之前登記左信用卡同埋電話費既…

今次呀粗又臨係 deadline 前先記得交信用卡費…仲要係凌晨三點先突然醒起 :O
坐言起行，即刻開個 app 交唔係講笑 ><
按上圖既「恒生信用卡」，然後輸入我今次要交既銀碼 $123 (需知道遲左交，交多幾十蚊真心唔抵)
繳付日期緊係而家啦…當然佢都可以比你 delay 成 8 日咁多…

按「繼續進行」，咁佢會比你再確認多次啲野有冇錯…

再按「繳款」

搞掂！食碗麪！
咁你筆錢就即時過左數，交左 lu ~
去返主頁既「繳費記錄」，可以睇返過去 60 日/ 十次繳費記錄，咁就唔怕網上繳左費又冇証明啦

啱啱交完錢，即睇到 record

呢個 app 真係好方便，解決到我成日懶去 ATM 交錢既惡習..

iOS 同 Android 都可以免費 download 到架，名為 PPS on Mobile 🙂

筆者呀粗是個喜歡研究電腦硬件, 尤其是網絡的香港女生
若果喜歡女生寫的電腦產品開箱文評測，好app 介紹，或者想知道有甚麼產品優惠
請 like Cyubi Network 超必網絡 Facebook page，謝謝支持
https://www.facebook.com/cyubinetwork/