究竟最新既巢穴多唔多小火龍呢？即刻過去探索下 ﾚ(ﾟ∀ﾟ;)ﾍ=З=З=З

秋高氣爽，去捉竉啱晒 😜
話說 pokemon go 啲巢穴好快就轉，所以而家坪石公園變左小火龍巢穴，小編呀粗就即刻去探索下。
　

之前既小火龍巢穴位於佐敦木球會，但因為係私人地方，所以完全入唔到去 detect 呀 T^T
之後變左奧運站櫻桃街公園，但一個鐘先出一隻，公園地形又特長，真係欲哭無淚…
今次轉巢轉左去坪石公園，我同男友發發都一致認為呢度係最完美既小火龍巢穴。 😍👍

坪石公園位於彩雲邨附近，正常要由彩虹站搭小巴上去，班次都密既。
不過我地就撞左板，係地鐵站附近行左 215 級樓梯上去.. GG

喘晒氣終於行到上黎，好彩上天不負有心人，即刻有股人潮去某方向行…原來係捉小火龍 😂
冇計啦而家啲地圖都比 Nitanic 封殺晒， telegram group 都冇埋，真係好難揾到勁竉…見到小火龍算係奇妙恩典架啦 🙏

第一次人類大遷徙係成堆幾百人，大人細路都有，齊齊衝向地盤果邊，搞到車都行唔到。果邊靠近聖言中學，係坪石公園既最篤篤。⤴

之後都 keep 住捉完一隻小火龍就出第二隻，係咁行去捉，冇停過 😍
逗留個半鐘就已經捉左差唔多十隻😍 有次仲一炮過係運動場出 3 隻 ~
可以話係小火龍大巢 !!
(不過建議大家早D 去，因為呢隻小火龍感覺上係返朝 9 晚 6，返office 咁 ~ 過左 6 點半 O 埋T…七點鐘已經變到半個鐘先出一隻)
 

而且坪石公園最正既係佢既地理優勢 😜 地方唔大，而且只係一條直路加一個足球場，地圖易認又唔使跑好遠 👏 (之前係摩士公園捉，地方太大，跑到我死咁滯)
坪石公園個範圍只係下圖咁細架姐…轉彎位係運動場，跟住一條大路冇咩分叉。
 
仲要幾乎所有 pokestop 都有櫻花耶 🌸

周圍都多位坐，仲有成個運動場觀眾席，唔使驚冇位抖。

不過美中不足既係成個公園都冇道館，要行到去出面新清水灣道先有。
但對手太猛啦，都係下次再打過啦 ><

筆者呀粗是個喜歡研究電腦硬件, 尤其是網絡的香港女生
若果喜歡女生寫的電腦產品開箱文評測，好app 介紹，或者想知道有甚麼產品優惠
請 like Cyubi Network 超必網絡 Facebook page，謝謝支持
https://www.facebook.com/cyubinetwork/